Անժելա Սարգսյանը, Սոս Ջանիբեկյանը, Լուիզա Ներսիսյանը եւ Սերգեյ Դանիելյանը նկարահանվել են Ռոման Մուշեղյանի նոր՝ արկածային կատակերգությունում։
NEWS.am STYLE-ի հետ զրույցում Ռոման Մուշեղյանն ասաց, որ ֆիլմը Berg sound ընկերության արտադրանքն է։ Նկարահանումներն իրականացվել են Շրի Լանկայում՝ «սցենարն էր այդպես պահանջում»։
Ֆիլմը պատմում է այն մասին, թե ինչպես են ֆիլմի հերոսները հայտնվում Շրի Լանկայում եւ հաղթահարում այնտեղ հանդիպած արկածների շղթան։
Ռոման Մուշեղյանի խոսքով՝ ֆիլմի պրեմիերան նախատեսված է 2015 թվականի գարնանը։ «Ֆիլմն այժմ հետարտադրական փուլում է, բացի այդ՝ դեռ մի քանի օր էլ նկարահանումներ ունենք»,-ասաց նա։
Ֆիլմի աշխատանքային անվանումն է՝ «Դրախտում»։
Պատրաստեց՝ Շուշան Շատիկյանը