Մըրայա Քերին խայտառակվել է Նյու Յորքում սուրբծննդյան լույսերը վառելու արարողության ժամանակ

Հավանաբար, Մըրայա Քերիի աստղն աստիճանաբար մարում է։ Հոկտեմբերին Ճապոնիայի մայրաքաղաքում կայացած նրա Elusive Chanteuse World Tour համաշխարհային շրջագայությունների շրջանակներում անցկացվող առաջին համերգի ժամանակ  44-ամյա երգչուհին հիասթափեցրել էր իր երկրպագուներին, քանի որ վերջիններս սոցցանցցերում բավականին բացասաբար էին արտահայտվել հայտնի աստղի համերգի մասին։

Իսկ երեկ երգչուհին ելույթ է ունեցել Ռոքֆելերյան կենտրոնում սուրբծննդյան լույսերը վառելու արարողությանը՝ կատարելով «All I Want fo Christmas Is You» երգը։

Բավական չէ, որ Քերին երեք ժամ ուշացումով է եկել, նաեւ հանդիսատեսին հիասթափեցրել է իր կատարմամբ, քանի որ չի կարողացել երգել բարձր նոտաները։ Ըստ ականատեսների՝ երգչուհու ձայնը մաքուր եւ հնչեղ չի եղել։

«Ասում են, որ ծննդաբերությունից հետո երգչուհիները կարող են ձայնային ինչ-ինչ խնդիրներ ունենալ, բայց Մըրայան այսօր սարսափելի էր կատարում»,- Twitter-ում գրել է ականատեսներից մեկը։

Ինքը՝ երգչուհին, իր միկրոբլոգում ներողություն է խնդրել ուշացման համար, իսկ նրա ներկայացուցիչը գրել է, որ երգչուհին ճիշտ ժամանակին է եկել, պարզապես հրաժարվել է մեքենայից դուրս գալ վատ եղանակի պատաճռով։

«Նա երեք ժամ նստել է մեքենայի մեջ, քանի որ վախեցել է դուրս գալ եւ մրսել»,- հայտնել է E Online-ը։