Հինգ միջոց շատ արագ նիհարելու համար

Ամեն տարի այս շրջանում՝ Ամանորի նախաշեմին, բոլոր կանայք եւ աղջիկները ցանկանում են շատ արագ նիհարել եւ ազատվել ավելորդ կիլոգրամներից։ Եվ քանի որ հաշված օրեր են մնացել տարվա ամենակարեւոր տոնի մեկնարկին, հետեւաբար պետք է հենց հիմա գործի անցնել։

Եթե արդեն մի շարք դիետաներ եք փորձել, բայց արդյունքի չեք հասել, ուրեմն առաջարկում ենք հետեւել մեր խորհուրդներին եւ կիրառել դրանք եւ մինչեւ Ամանոր, եւ դրանից հետո։

Այսպիսով, խորհուրդ №1.Առավոտյան եւ քնելուց առաջ պետք է խմել կախարդական ըմպելիքը։ Իսկ ո՞րն է այն. մեկ բաժակ եռացրած ջրի մեջ պետք է ավելացնել մեկ թեյի գդալ դարչին եւ նույնքան էլ մեղր։ Մեղրը լցնում եք ամենավերջում, երբ արդեն ցանկանում եք խմել։

Խորհուրդ №2. Ամեն առավոտ պետք է ձվածեղ կամ վարսակաշիլա ուտել, իսկ հետո մեկ բաժակ սուրճ խմել, բայց... սուրճի մեջ (ոչ լուծվող) պետք է մեկ պտղունց կարմիր չիլի պղպեղ, դարչին եւ վանիլին ավելացնել։ Այս համեմունքները նպաստում են նյութափոխանակության գործընթացների կարգավորմանը։

Խորհուրդ №3. Ամեն անգամ ուտելուց առաջ կես լիտր տաք ջուր խմեք։

Խորհուրդ №4. Կոնֆետների եւ բուտերբրոդների փոխարեն նարինջ կամ թուրինջ օգտագործեք։ 

Խորհուրդ №5. Երկար ծամեք։ Ամեն անգամ կերակուրը կուլ տալուց առաջ ավելի քան քսան անգամ այն ծամեք։ Այսպես դուք շատ ավելի շուտ կհագենաք եւ ավելի քիչ կուտեք։

Աղբյուրը՝ tele.ru