Ինչպես խնամել մազերը ձիթապտղի յուղի օգնությամբ

Գեղեցիկ վարսեր ունենալու համար շատ աղջիկներ պատրաստ են ամեն ինչի եւ հավատալով գովազդների՝ նրանք դիմում են տարբեր միջոցների օգնությանը, բայց անօգուտ։ Սակայն մազերի խնամքի հարցում կարելի է օգտագործել բոլորիս քաջ հայտի ձիթապտղի յուղը, որը հիանալի միջոց է ոչ միայն մազերի, այլեւ դեմքի մաշկի եւ եղունգների համար։ Վարսերի դեպքում այն կարող է դրական ազդեցություն ունենալ թեփի դեմ պայքարում, կարող է բարելավել մազերի որակը, գույնը, փայլը, վերականգնել վնասված ծայրերը եւ այլն։

Ահա թե ինչ է պետք անել ձիթապտղի յուղով օգտակար բաղադրատոմս պատրաստելու եւ մազերի որակի բարձրացնելու համար։

1. Զգուշությամբ պետք է սանրել մազերը, իսկ հետո մազերը ներկելու վրձնի օգնությամբ պետք է ձիթապտղի յուղը քսել մազերի ամբողջ երկայնքով մեկ՝ մազարմատից մինչեւ ծայրերը։ Ձիթապտղի յուղը պետք է մի փոքր տաքացնել։ Այնուհետեւ անհրաժեշտ է այն քսել մազերին (իհարկե, չափավոր) եւ մազերը հավաքել։

2. Սրբիչը հարկավոր է ընկղմել տաք ջրի մեջ եւ մի լավ քամելուց հետո, այն հարկավոր է փաթաթել գլխին։

3. Յուղը մազերին 10-30 րոպե թողնելուց հետո, արդեն կարելի է լվանալ եւ վարսերը չորացնել։

Աղբյուրը՝ beautydream.ru