«Վինի թուխի» հանրահայտ նկարը, որն առկա է Ա. Ա. Միլնի գրքի վեցերորդ գլխում, Sotheby`s աճուրդի ժամանակ վաճառվել է մոտ կես միլիոն դոլարով։ Ինչպես հայտնել է BBC-ն՝ նկարիչ Էռնեստ Շեպարդի էսքիզի համար անհայտ գնորդը վճարել է 314,500 ֆունտ ստեռլինգ (մոտ կես միլիոն դոլար)։
Նկարում պատկերված է Ալան Միլնի գրքի գլխավոր հերոսը՝ Վինի թուխը, Դնչիկ խոզուկը եւ Քրիստոֆեր Ռոբինը, ովքեր միասին խաղում են։ Առաջին անգամ այս նկարը ցուցադրվել է 1928թ-ին։
Ավելի վաղ լուրեր էին պտտվում, որ Շեպարդի նկարը կվաճառվի 159 հազար ֆունտ ստեռլինգով։