Սեռական կողմնորոշումը փոխանցվոմ է գենետիկորեն

00:19   19 դեկտեմբերի, 2012

Արվամոլներն ու լեսբուհիները մեր հասարակության մեջ ու կենդանիների աշխարհում գոյություն ունեն, քանի որ ծնողներից մեկի էպիգենետիկ փոփոխությունները փոխանցվում են սաղմին, հայտարարել են Կալիֆորնիայի Սանտա Բարբարե համալսարանի գիտնականները, ովքեր որոշել են  պարզել համասեռամոլության կենսաբանական ակունքները։

Ըստ «Վեստի.ռու» -ի, գեների հետ միասին երեխան որոշակի հորմոնների նկատմամբ «դիմադրողականություն» է ձեռք բերում։ Որպես հետեւանք, պտղի «շտկված» գեները կայունություն են ձեռքբերում, օրինակ, թեսթոսթերոնի ավելցուկի հանդեպ, ինչն ազդում է մարդու ուղեղի աշխատանքի վրա։ Իսկ հետագայում այն դրսեւորվում է նաեւ նրա վարքի մեջ (այդ թվում նաեւ զուգընկերոջ ընտրության հարցում)։

Այսինքն, ծնողներից ժառանգելով (սեփական զարգացման անհրաժեշտ փուլում) գիծը, տղան «կիսատ է ստանում» թեսթոսթերոնը, իսկ հետագայում ձեռք է բերում աղջկա գծեր, իսկ աղջիկը՝ ընդհակառակը, տղա է դառնում։

Համաձայն համընդհանուր պատկերացման, սաղմի զարգացմանը զուգընթաց միանում ու անջատվում են ապագա փոքրիկի սեռը որոշող գեները։ Դրանք արձագանքում են այն հորմոնների հայտնվելուն, որոնք պտուղն ինքն է արտադրում ու ստանում է մորից։ Այսպես, սաղմը տղա է դառնում, եթե Y-քրոմոսոմի վրա գենը գործի է դնում ձվարանների զարգացումը, որոնք զարգացման մոտ ութերորդ շաբաթում սկսում են արտադրել տղամարդկային սեռական հորմոններ, այդ թվում անաեւ՝ թեսթոսթերոն։ Եթե «հավաքածուի» մեջ չլինեն Y-քրոմոսոմներ, ապա չի լինի նաեւ թեսթոսթերոն, եւ սաղմն աղջիկ կդառնա։

Սակայն ամերիկացի գիտնականները պնդում են, որ թեսթոսթերոնն ամեն ինչ չէ որոշում։ Նախեւառանջ, կանացի սեռի պտուղը ենթարկվում է սեփական մակերիկամների արտադրող հորմոնների ազդեցությանը, երկրորդ՝ հորմոնների մի մասը նրան է մատակարարում մայրը։ Գիտնականների հետազոտած տարբեր սեռերի սաղմերը տարբեր կերպ են արձագանքել հորմոնների առկայության, նույնիսկ այն ժամանակ, երբ մեկ հորմոնի մակարդակը ժամանակավորապես բարձր է եղել։



© NEWS.am STYLE