Յոհանա Կարապետյանը՝ «Միսս տիեզերք-2014» մրցույթում
10:05 24 հունվարի, 2015Ուրուգվայում ծնված՝ հայկական արմատներով մոդել Յոհանա Ռիվա Կարապետյանն ընդգրկված է «Միսս տիեզերք-2014» մրցույթում, որը տեղի կունենա հունվարի 25-ին՝ Մայամիում:
Յոհանան նախորդ տարի՝ 2014 թվականին, հաղթող է ճանաչվել «Միսս Ուրուգվայ» մրցույթում, որի արդյունքում էլ իրավունք է ստացել Ուրուգվայը ներկայացնել «Միսս տիեզերք»-ում:
Մրցույթի պաշտոնական կայքում Յոհանա Կարապետյանի մասին գրված է, որ նա տիրապետում է հայերենին, իսպաներենին եւ անգլերենին:
Գեղեցկուհին ծնվել է 1990 թվականի նոյեմբերի 23-ին՝ Մոնտեվիդեոյում: Մասնակցել է մի շարք գեղեցկության մրցույթների:
Հաջողություն մաղթենք մեր հայրենակցուհուն:
Շուշան Շատիկյան