2015-ի ամենանորաձեւ զարդերը
18:34 27 հունվարի, 2015Զարդերը յուրահատուկ տեղ են զբաղեցնում կանանց եւ աղջիկների զգեստապահարանում, մեկի մոտ շատ, մյուսի մոտ` քիչ, սակայն դժվար է գտնել իգական սեռի` ժամանակակից ներկայացուցչի, ով ընդհանրապես ոչ մի տեսակի զարդ չի կրում: Եկե'ք տեսնենք, թե ինչ տիպի զարդեր են նորաձեւ այս տարի:
Սկսենք վզնոցներից: Այս տարի որքան խոշոր, երկար, բազմաթիվ տարրերով հագեցած լինի վզնոցը, այնքան ոճային այն կհամարվի:
Մետաղյա խոշոր շղթաները արդիական են, ինչպես երբեւէ: Ընդհանրապես, մետաղական զարդերը գերիշխում են այս տարի:
Իրենց դիրքերը չեն զիջում մարգարիտները: Հավերժ նորաձեւ համարվող մարգարիտները այս տարի էլ են արդիական, միայն թե` առավել շատ եւ խոշոր տարբերակով:
Ինչ վերաբերում է թեւնոցներին, ապա այստեղ նույնպես կարեւոր են չափսերը` շատ, մեծ եւ բազմազան:
2015-ի գլխավոր նորաձեւ միտումներից են երկրաչափական տարբեր պատկերների տեսքով զարդերը:
Մատանիների հարցում նույնպես պետք չէ ժլատություն անել: Որքան շատ լինեն մատանիները, այնքան` լավ:
Պատրաստեց` Շ.Շ.