Այսօր օրգազմի համաշխարհային օրն է

Այսօր նշվում է օրգազմի համաշխարհային օրը։ Այս տոնի սիրահարները կոչ են անում այն նշել զուգընկերոջ հետ անկողնում։ Նրանք հավատում են, որ շատ մարդկանց սեռական էներգիայի դրական ժայթքումն օգտակար կլինի Երկիր մոլորակին՝ կփրկելով բնական աղետներից, պատերազմներից ու հիվանդություններից։

Սակայն բոլորը չէ, որ զգում են այդ հաճույքը։ Այսպես, Մեծ Բրիտանիայի 2000 կանանց հարցումը ցույց է տվել, որ նրանց 70% - ը երբեք օրգազմ չի զգացել։ Միեւնույն ժամանակ վերջինների 80% - ը խոստովանել է, որ ձեւացրել է, թե զգում է։ Կանանց մի մասը պարզապես չի ցանկացել վիրավորել զուգընկերոջը, իսկ երկրորդ պատճառն ամուսնական պարտքն արագորեն ավարտելու ցանկությունն է եղել։

Ասում են, պաղ կին չկամ, բայց կա՝ չզարթնած։ Իսկ հմուտ սիրեկանն ի վիճակի է ցանկացած իրավիճակում կիրք ու հաճույք ստանալու կարողություն արթնացնել։ Սակայն, ըստ վիճակագրության, ժամանակակից տղամարդկանց մեծ մասն անկողնում եսասեր է, չի մտածում ընկերուհու մասին։ Սակայն կանանց մեծ մասն էլ առանձնապես ջանք չի գործադրում այդ գործում։

Այդ պատճառով էլ, ըստ մասնագետների, սեքսով պետք է զբաղվել այն մարդու հետ, ում վստահում ես, ում ներկայությամբ չես վախենում քեզ ազատ պահելուց ու տգեղ երեւալուց։ Կարեւոր է նաեւ մտերմության տրամադրվելը, գործընթացի վրա կենտրոնանալը։ Պետք չէ մտածել կոմնակի բաների մասին, այլ՝ վայելել սիրելիի հպումներն ու չամաչել՝ խնդրելով նրան կրկին շոյել այս կամ այն հատվածը։