Ինչպես ազատվել վնասված մազերի խնդրից

Վարսահարդարիչով մազերը չորացնելը, հարթեցնող սարքերի օգտագործումը եւ եղանակային պայմանները կարող են մազերի վնասման պատճառ դառնալ։ Արդյունքում մազերը չոր, փխրուն եւ դյուրաբեկ են դառնում, ինչպես նաեւ մազաթափություն է նկատվում։ Այս դեպքում պետք է փորձել ազատվել վնասված վարսերի խնդրից։ Առաջին հերթին հարկավոր է հազվադեպ կիրառել նման սարքեր, ինչպես նաեւ օգտագործել կոսմետիկ անհրաժեշտ միջոցներ։ Մասնագետները խորհուրդ են տալիս, որ այս պարագայում հարկավոր է ընտրել սնուցող շամպուններ եւ փափկացնող ու վերականգնող հատկություններ ունեցող բալզամներ։

Մազերի վնասման մյուս կարեւոր նախապայմանը դրանց հաճախակի ներկելն է։ Քանի որ այս գործընթացը կատարվում է քիմիական նյութերի ազդեցության հետեւանքով, վարսերի բոլոր սննդարար եւ սնուցող պիգմենտները դուրս են գալիս՝ առաջացնելով մազերի միկրո-անցքեր, ինչի պատճառով վարսերը կորցնում են իրենց ամրությունը։

Մազերին մեծ վնաս կարող է պատճառել նաեւ վարսերի սանր-խոզանակը։ Սխալ սանր ընտրելու դեպքում դրանք միկրո-անցքերի առաջացման պատճառ կարող են դառնալ։ Հետեւաբար, սանր ընտրելիս եւ սանրվելիս նույնպես պետք է կարեւորել այս ամենը եւ զգուշավոր լինել։

Աղբյուրը՝ au-rum.info