Էմբեր Ռոուզ vs Քանիե Ուեսթ. «Մոռացել ես, որ R Jay-ը քնել է Քիմ Քարդաշյանի հետ»
13:13 21 փետրվարի, 2015Էմբեր Ռոուզ-Քարդաշյանների ընտանիք-Քանիե Ուեսթ սկանդալը ավելի է թեժանում։ Ամեն ինչ սկսվեց Էմբեր Ռոուզի եւ Քլոե Քարդաշյանի առցանց վիճաբանությունից։
Էմբերը Թվիթթերում քննադատել էր իր ընկերներին՝ Բլեք Չեյնին եւ Տիգային, այն բանի համար, որ նրանք ընկերություն են անում Քիմ Քարդաշյանի կրտսեր քրոջ՝ Քայլիի հետ (ի դեպ, Տիգա հայտարարել է, որ նրա եւ Քայլիի հարաբերությունները ընկերական բնույթ ունեն)։
Քլոե Քարդաշյանն իր հերթին հիշեցրել էր Էմբերին վերջինիս անցյալի մասին (այն, որ նա մերկապարուհի է եղել) եւ հայտարարել, որ ի տարբերություն նրա՝ Քայլիին փայլուն ապագա է սպասվում։ Իսկ Ռոուզը կտրուկ պատասխանել էր Քլոեն՝ նշելով, որ նրա ավագ քույր Քիմ Քարդաշյանը պոռնիկ է։ Որոշ ժամանակ անց Քիմը հայտարարել էր, որ նա չի ցանկանում վիճել Էմբեր Ռոուզի հետ, քանի որ վերջինս Քանիեի նախկին ընկերուհին է եւ միգուցե որոշ գաղտնիքներ բացահայտի նրանց անձնական կյանքի մասին։
Այնուհետեւ այս «մենամարտին» մասնակցել է նաեւ Քանիե Ուեսթը, ով որոշել է վերջակետ դնել այս ամենին։
«Էմբեր Ռոուզը աստիճանաբար իջնում է։ Նրան ուշադրություն է անհարժեշտ, ահա այդ պատճառով նա սկանդալներ է ստեղծում։ Ով էր նրա մասին լսել մինչեւ ինձ հետ հանդիպելը։ Սակայն նրա հետ ընկերություն անելու ժամանակ ես սիրահարված էի Քիմին, բայց նա ուշադրություն չէր դարձնում ինձ հենց Ռոուզի պատճառով։ Էմբերի հետ իմ հարաբերությունների պատճառով Քիմն ինձ ստիպել է մեր առաջին սեքսից առաջ 30 անգամ լողանալ։ Եթե ես Քիմին նախքան Էմբերին հանդիպեի, ապա Ռոուզի մասին ոչ մեկը չէր իմանա»։
Էմբերի պատասխանը չի ուշացել: Վերջինս Twitter-ում գրել է հետեւյալը.
«Դու 30 անգամ լոգա՞նք ես ընդունել։ Միգուցե մոռացել ես, որ R Jay-ը (Քիմի նախկին ընկերը) քնել է Քիմ Քարդաշյանի հետ։ Ամբողջ աշխարհին իրականությունը պատմելու ճիշտ ժամանակն է։ Այսքան տարի ես ոչինչ չեմ ասել քո մասին, քանի է որ կար ժամանակ, որ մենք սիրել ենք իրար։ Հիշելով այս ամենը՝ ես ոչ մի վատ բան չեմ ասի։ Կթողնեմ, որ Քարդաշյանները ստորացնեն քեզ, քանի որ երբ նրանք քեզանից ստանան այն, ինչ հարկավոր է, մի կողմ են նետելու քեզ։ Բոլոր մարդիկ էլ կյանքում սխալներ անում են, եւ ես բացառություն չեմ։ Սակայն երբ մարդիկ, չլինելով կատարելության օրինակ, քննադատում են մյուսներին, պարզապես նողկանք են առաջացնում։ Ես պատասխանատու եմ իմ կյանքի համար»։
