14:55 21 փետրվարի, 2015
Մայրենի լեզվի համաշխարհային օրը՝ փետրվարի 21-ին, կայացավ «Արմենպրես» լրատվական գործակալության նախաձեռնած «Երեւանյան բեսթսելեր» մրցանակաբաշխությունը, որը նպատակն է արժանին մատուցելու տարվա ընթացքում ամենապահանջված գրական ստեղծագործությունների հեղինակներին, թարգմանիչներին, հրատարակիչներին։
«Նախագծի մտահաղացումը ծագեց այն ժամանակ, երբ Երեւանը դարձավ գրքի համաշխարհային մայրաքաղաք։ Արդեն երկրորդ անգամ մայրենի լեզվի համաշխարհային օրը արժեւորում ենք հեղինակների, թարգմանիչների, հրատարակիչների աշխատանքները։ Նմանատիպ նախագծեր կայանում են ամբողջ աշխարհում, որը կարեւորվում է ընթերցանության խթանումը»,- լրագրողների հետ հանդիպման ժամանակ ասաց «Արմենպրես»-ի տնօրեն Արամ Անանյանը։
- Տարվա ժամանակակից հայ հեղինակ ճանաչվեց Լեւոն Խեչոյանը՝ «Մհերի դռան գիրքը» վեպի համար։
- Տարվա արտասահմանյան բեսթսելեր անվանակարգում առաջատարն են «Բուկինիստ» հրատարակչության Գաբրիել Գարսիա Մարկեսի լույս ընծայած ստեղծագործությունները («Նահապետի աշունը», «Սերը ժանտախտի օրերին», «Հարյուր տարվա մենությունը»)։
- Տարվա ամենապահանջված թարգմանությունը կատարել է Զավեն Բոյաջյանը։ Նա թարգմանել է Ումբերտո Էկոյի «Վարդի անունը» ( «Անտարես» հրատարակչություն)։
- Տարվա մանկական գիրքը՝ « Աշխարհի իմաստուն հեքիաթներ»-ը կազմել է Շավարշ Կարապետյանը (« Էդիթ Պրինտ» հրատարակչություն)։
- «Բեսթսելերների տարվա հրատարակիչը «Անտարեսն» է»
- «Մանդիլիոն» գրքի համար հատուկ մրցանակ ստացավ երջանկահիշատակ Վահան Հովհաննիսյանը։
- Լեւոն Անանյանի անվան հատուկ մրցանակի արժանացավ «Էդիթ Պրինտ» հրատարակչությունը՝ « Երիտասարդ գրողների անթոլոգիա»-ի համար։
- Նախագծի բարեկամ ճանաչվեց Ալեքսան Մոսոյանը՝ նախագծին համակողմանի օժանդակություն ցուցաբերելու համար։
Մելինե Տոնոյան