Մարտի 21-ին Yans Music Hall-ում «Դար 21» հայկական երաժշտական հեռուստաալիքը իրականացրեց իր 9-րդ երաժշտական ամենամյա մրցանակաբաշխությունը:
Ի տարբերություն նախորդ տարվա, այս տարի քվեարկությունը եղել է փակ: Ժուրիի եւ Հյուսիսային պողոտայում անցկացված քվեարկության արդյունքում պարզ է դարձել հաղթողների անունները:
Նախքան մրցանակակիրներին մրցանակ հանձնելը, երաժշտական հեռուստաալիքը գեղեցիկ շոու-ծրագիր էր պատրաստել հյուրերի համար: Երեկոյի ընթացքում իրենց գեղեցիկ կատարումներով ներկայացան Անուշիկ Ալավերդյանը, Էրիկը, Լուսինե Աղաբեկյանը, Լիլիթ Կարապետյանը, Քրիստինե Պեպելյանը, Նորայր Մելքոնյանը, Արման Թովմասյանը, Արմոն եւ շատ ուրիշներ, ովքեր կատարեցին իրենց հիթ դարձած երգերը: Իսկ պարային կատարոիմներով բեմահարթակը զարդարեցին «Ամարասցիները»:
Հայկական երաժշտական հեռուստաալիքի 2014 թվականի մրցանակաբաշխության 8 անվանակարգում հաղթողների ցուցակը ներկայացնում ենք ստորեւ.
Տարվա համագործակցություն- Արամե / Կարապետյաններ - «Քավոր»
Տարվա Cover- Լիլիթ Հովհաննիսյան- «Էլեգիա»
Պարային տեսահոլովակ- «Ամարաս», Լիլիթ Հովհաննիսյան- «Դե էլ մի»
Տարվա Հիթ- Արմո - «Ուշ է հիմա»
Տարվա լավագույն այլընտրանքային կատարում - Գոռ Սուջյան
Տարվա լավագույն երգիչ - Միհրան Ծառուկյան
Տարվա լավագույն երգչուհի- Լիլիթ Հովհաննիսյան
Լավագույն տեսահոլովակ - Քրիստինե Պեպելյան, Ռեժ. Արեն Բայադյան - «Իմ ընկեր»
Լրագրող՝ Մելինե Տոնոյան
Լուսանկարիչ՝ Արսեն Սարգսյան