Քարդաշյանը գյումրեցի բլոգերին խոստացել է անպայման կարդալ Արա Պապյանի գիրքը

Գյումրեցի բլոգեր Արա Նախշքարյանին հաջողվել է Արա Պապյանի գիրքը նվիրել Քիմ Քարդաշյանին։ Ամերիկահայ աստղի՝ Գյումրի այցի ժամանակ բլոգերը մոտեցել է նրան ու անձամբ նվիրել գիրքը։

Գյումրեցի բլոգեր Արա Նախշքարյանին հաջողվել է Արա Պապյանի գիրքը նվիրել Քիմ Քարդաշյանին։ Ամերիկահայ աստղի՝ Գյումրի այցի ժամանակ բլոգերը մոտեցել է նրան ու անձամբ նվիրել գիրքը։ «Քիմ Քարդաշյանը շնորհակալություն հայտնեց, ու ասաց, որ անպայման կկարդա այն»,- NEWS.am STYLE-ին ասաց  Արա Նախշքարյանը։

Նրա խոսքով՝ գրքի մեկ օրինակ էլ ինքը Քարդաշյանին խնդրել է հանձել ԱՄՆ նախագահ Բարաք Օբամային։ Քարդաշյանը վերցրել է գիրքը եւ խոստացել, որ անպայման կհանձնի։

Ավելի վաղ հաղորդել էինք, որ Գյումրեցի բլոգեր Արա Նախշքարյանն անակնկալ է պատրաստել ամերիկյան ռեալիթի շոուի աստղ Քիմ Քարդաշյանի համար:

Բլոգերը տեղեկացել է, որ հայաստանյան այցի շրջանակում Քիմը հնարավոր է՝ Գյումրի այցելի եւ պատրաստվում է նրան նվիրել Արա Պապյանի «ARBITRAL AWARD OF THE PRESIDENT OF THE UNITED STATES OF AMERICA WOODROW WILSON, FULL REPORT OF THE COMMITTEE UPON THE ARBITRATION OF THE BOUNDARY BETWEEN TURKEY AND ARMENIA WASHINGTON, NOVEMBER 22nd, 1920» գիրքը, որտեղ արխիվային փաստաթղթեր կան նրա ազգական՝ Վահան Քարդաշյանի մասին:

NEWS.am STYLE-ի թղթակցի հետ զրույցում Արա Նախշքարյանը պատմել էր, որ Վահան Քարդաշյանը 1920-ական թթ. համագործակցել է ԱՄՆ նախագահ Վուդրո Վիլսոնի հետ եւ մեծ ներդրում է ունեցել Հայաստանի սահմանային քարտեզի գծման հարցում: