Ինչպես արդեն տեղեկացրել ենք, այսօր երեկոյան Քիմ եւ Քլոե Քարդշայաններն այցելել են Megerian Carpet գործարան։ Գործարանում Քիմ Քարդաշյանին հայկական հագուստ են նվիրել, որը 34-ամյա հայուհին միանգամից հագել է։
Գործարանի տարածքում մեր թղթակիցը տեսել է երկու խոհարարների, որոնցից մեկը հայտնի խոհարար Սեդրակ Մամուլյանն էր։ Մեկ կապ հաստատեցինք վերջինիս հետ՝ պարզելու համար, թե ինչ ուտեստներ է պատրաստել նա ամերիկահայ աստղերի համար։
Մեզ հետ զրույցում Սեդրակ Մամուլյանն ասաց, որ քույրերին մատուցել են գարնի յարախ, հավի մսով դոլմա, ինչու՝ հավի մսով, որովհետեւ Քիմը սպիտակ միս է սիրում։ Մատուցել են նաեւ Արագածոտնի հագանի՝ հավի կրծքամսով, չորաթանով, սխտորով, ընկույզով եւ սինդրիկով։
«Տարազ էր հագել, հայուհու տեսք ուներ։ Հավանեց կերակուրները»,-նշեց Մամուլյանը՝ հավելելով, որ Քարդաշյանին մեր ազգային կերակրատեսակների բաղադրատոմսերի գիրք է նվիրել։
Շուշան Շատիկյան
Լուսանկարները՝ Արսեն Սարգսյանի/NEWS.am