Երեկ Իսրայել ժամանած հայտնի հեռուստաաստղ Քիմ Քարդաշյանը դստերը՝ Նորթին, կնքել է Երուսաղեմի Սուրբ Հակոբ հայկական եկեղեցում: Ըստ մեր տեղեկությունների՝ երեխային մկրտել է Պարետ Վրդ. Երեցյանը։ Նորթի կնքամայրը դարձել է Քլոեն։
Այսօր վաղ առավոտյան Քիմն ամուսնու՝ ռեփեր Քանիե Ուեսթի հետ այցելել է Տիրոջ սուրբ գերեզմանի տաճար: Այս մասին հայտնի հեռուստաաստղը գրել է Instagram-ում.
«Բարի առավոտ, Իսրայել: Մենք վաղ առավոտյան էինք արթնացել, որպեսզի այցելեինք Տիրոջ սուրբ գերեզմանի տաճար»:
Քլոեն նույնպես նոր լուսանկար է հրապարակել, որտեղ նա ծնկի է իջել սուրբ տաճարում:
Լուսանկարներ են հրապարակել նաեւ Քիմի դիմահարդարն ու թիկնապահը։