Աշխարհահռչակ System of a Down ռոք խումբն ամբողջական կազմով արդեն Հայաստանում է։ Խմբի անդամները երեկ շփվել ու լուսանկարվել են իրենց երկրպագուների հետ, ովքեր հավաքվել էին «Marriott» հյուրանոցի դիմաց։
Բաս կիթառահար Շավո Օդաջյանը Facebook-յան իր էջում նոր հոլովակ է տեղադրել, որը նա նկարահանել է հյուրանոցի իր համարի սենյակից, եւ գրել՝ «Սիրում եմ իմ ազգը»։
Հիշեցնենք, որ ապրիլի 23-ի երեկոյան խումբը Ցեղասպանության 100-րդ տարելիցին նվիրված բացօթյա համերգ է տալու Հանրապետության հրապարակում իր Wake up the souls համերգային շրջագայության շրջանակում։