Այսօր` ապրիլի 30-ին, աշխարհը տոնում է Ջազի միջազգային օրը: Արդեն չորրորդ տարին անընդմեջ Երեւանը միանում է համաշխարհային տոնին` մայրաքաղաք բերելով ջազային հայտնի բենդեր ու երաժիշտներ: Այս տարին էլ բացառություն չէ: Հատուկ Ջազի օրվան նվիրված համերգին մասնակցելու համար Մակեդոնիայից Հայաստան են ժամանել հայ ջազ երաժիշտներ Թավիջյան եղբայրներն իրենց տրիոյով:
Կասկադի հարակից տարածքում այսօր կազմակերպված համերգին մասնակցում էին նաեւ ՀՀ արվեստի վաստակավոր գործիչներ Արմեն Թութունջյանը, Վահագն Հայրապետյանը, Երվանդ Երզնկյանը, Մարտին Վարդազարյանը, Հայաստանի պետական ջազ-նվագախումբը` ՀՀ արվեստի վաստակավոր գործիչ Արմեն Հյուսնունցի ղեկավարությամբ, եւ այլք:
Մանրամասները` NEWS.am STYLE-ի տեսանյութում եւ ֆոտոռեպորտաժում:
Լուսանկարները՝ Արսեն Սարգսյանի