Ինչպես ներկել ճերմակած մազերը

19:14   28 մայիսի, 2015

Տարիքին զուգընթաց մեր մազերը սկսում են սպիտակել։ Չնայած ճերմակած մազեր ունենալը բավականին նորմալ եւ բնական երեւույթ է, բայց բոլորը՝ հատկապես կանայք, փորձում են ազատվել դրանցից։ Ճերմակած մազերը ճիշտ ներկելը այնքան էլ հեշտ գործընթաց չէ, քանի որ սպիտակ մազերը օդային պարկեր են պարունակում, որոնք խոչընդոտում են գույնի ներթափանցմանը։

Եթե որոշել եք ներկել սպիտակ վարսերը, ուրեմն հետեւեք մեր մի քանի խորհուրդներին։

Գույնի ընտրություն

Ճերմակած մազերը ներկելիս պետք է առաջին հերթին հաշվի առնել գույնը, որը պատրաստվում եք օգտագործել։ Նույնիսկ եթե ձեր մազերի բնական գույնը սեւ է կամ շագանակագույն, հիշեք, որ ճերմակած մազերը ներկելիս շատ դժվար է միանգամից ցանկալի արդյունքը ստանալ։ Ավելին, այս պարագայում մազերի ներկված գույնն ավելի արագ է թափվում։ Հետեւաբար, պետք է նախընտրությունը տալ ավելի բաց գույներին ու երանգներին։

Ներկը ճիշտ քսել
Ներկը քսելուց առաջ պետք է ուշադիր կարդալ տուփի վրա առկա ցուցումները։ Սկզբում պետք է ներկել ճերմակած վարսերը, իսկ հետո տարածել այն հատվածներում, որտեղ գույնը դեռ պահպանված է։ Ճերմակած մազերի դեպքում նախընտրելի է սովորականից 10 րոպե ավելի թողնել ներկը։

Մազերի գունավորում (մելիրովկա)

Հիանալի միջոց ճերմակած մազերից ազատվելու համար։ Այն օգնում է պահպանել վարսերի հիմնական կամ բնական գույնը՝ ծածկելով սպիտակ մազերը։

 

 

 

Աղբյուրը՝ Woman.ru



© NEWS.am STYLE