Ինչպես երիցուկով ներկել մազերը

19:12   23 հուլիսի, 2015

Գեղեցիկ սեռի ներկայացուցիչների մեծ մասը ներկում է վարսերը եւ դրա համար տարբեր ներկեր, խոտաբույսեր եւ բույսեր է օգտագործում։ Որպես ներկող միջոց՝ կարելի է օգտագործել երիցուկը, կալենդուլան, հինան, ընկույզը, սոխի կճեպները եւ այլն։ Իհարկե, կան քիմիական նյութերից պատրաստված բազմազան ներկեր, բայց մի շարք վարսավիրներ դեռ նախընտրում են բնական միջոցներով ներկել իրենց հաճախորդների մազերը։

Երիցուկի օգատգործման դեպքում վարսերի գույնն ավելի բաց է դառնում։ Այն խորհուրդ է տրվում օգտագործել շագանակագույն եւ շեկ մազերի դեպքում, քանի որ արդյունքն ավելի ակնհայտ է լինում։ Բացի վարսերը ներկելուց երիցուկը նաեւ նպաստավոր ազդեցություն է ունենում մազերի վրա՝ սնուցելով եւ գեղեցիկ փայլ հաղորդելով դրանց։

Այսպիսով, ինչ է անհրաժեշտ վարսերը երիցուկով ներկելու համար

Հարկավոր է 2 ճաշի գդալ երիցուկի չորացրած ծաղիկները լցնել 1լ. տաք ջրի մեջ, 15 րոպե տաքացնել լուծույթը, հետո ֆիլտրել եւ սառեցնել։ Հաջորդիվ պետք է երիցուկի լուծույթով լվանալ մաքուր վարսերը։

Ավելի էֆֆեկտիվ միջոց ստանալու համար պետք է 8 ճաշի գդալ երիցուկի չորացրած ծաղիկները լցնել մեկ ու կես բաժակ տաք ջրի մեջ։15 րոպե լուծույթը տաքացնելուց եւ սառեցնելուց հետո հարկավոր է ֆիլտրել լուծույթը, ավելացնել կես կիտրոնի հյութ եւ 2 ճաշի գդալ ցանկացած բուսական յուղ։ Ստացված խառնուրդն արդեն կարելի է քսել վարսերին։ Մի քանի րոպե անց հարկավոր է մազերը սանրել, իսկ հետո լվանալ եւ չորացնել։

 

 

Աղբյուրը՝ inmoment.ru

 

 



© NEWS.am STYLE