Վեց միջոց՝ խնդիրներն ավելի խելամիտ լուծելու համար

Ձեր ուշադրությանն ենք ներկայացնում վեց միջոց, որոնք կօգնեն ձեզ խնդիրներն ավելի խելամիտ լուծել։

1. Կենտրոնացեք լուծման, ոչ թե խնդրի վրա

Մասնագետները ապացուցել են, որ ձեր ուղեղը չի կարող լուծել խնդիրները, եթե դուք կենտրոնացել եք հենց խնդրի վրա։ Ուստի, ձեզ տանջող հարցերից ազատվելու համար պետք է կենտրոնանալ հենց լուծման, իրավիճակից դուրս գալու ելքեր գտնելու վրա։

 2. Քննարկեք բոլոր տարբերակները

Դիտարկեք հնարավոր բոլոր տարբերակները՝ նույնիսկ եթե դրանք առաջին հայացքից ծիծաղելի են թվում։ Լուծումը միանգամից հնարավոր չէ գտնել, հետեւաբար պետք է քննարկել ու հաշվի առնել ամեն ինչ՝ թեկուզ հիմար մտքերն ու գաղափարները։

3. Անաչառ եղեք
Պետք չէ խնդիրը դիտարկել որպես սարսափելի մի բան։ Անաչառ գնահատեք իրավիճակը եւ ճիշտ որոշում կայացրեք՝ փորձելով խուսափել բացասական մտքերից։
4. Վերացականորեն դատեք

Փորձեք փոխել խնդիրները լուծելու ձեր մոտեցումը եւ ամեն հարց նորովի դատել։ Կարող եք անգամ ձեր նպատակները դիտարկել հակառակ կողմից։ Նույնիսկ եթե սա հիմարություն է թվում, բայց այս նոր մոտեցումը կօգնի ձեզ ճիշտ որոշում կայացնել։
5. Ճիշտ խոսեք

Ձեր խնդիրների մասին մտածեք հետեւյալ արտահայտություններով՝ «Ինչ կլինի, եթե...», «Ենթադրենք եթե...» եւ այլն։ Այս խոսքերը խթանում են ուղեղի աշխատանքը եւ հնարավորություն տալիս նոր եւ խելամիտ որոշումներ կայացնել։ Խուսափեք բացասական արտահայտություններից՝ «Չեմ կարծում...» կամ «Սա սխալ է, բայց..»։

6. Պարզեցրեք ամեն ինչ

Գրեթե բոլոր մարդիկ խնդիրները պարզեցնելու եւ հեշտացնելու փոխարեն, նախընտրում են դժվարացնել ու խճճել դրանք։ Մոռացեք մանրուքների մասին, կենտրոնացեք հիմնական խնդրի վրա։ Փորձեք գտնել ամենահեշտ միջոցը, ամենապարզ լուծումը։ Եվ հիշեք, որ պարզ լուծումները ամենաարդյունավետն են։

Աղբյուրը՝ Creu