Քեթի Փերի՝ Forbes-ի ամենաշատ վարձատրվող աստղերի վարկանիշային աղյուսակում
11:04 30 հունիսի, 2015Forbes պարբերականը հայտարարել է ամենաշատ վարձատրվող աստղերի անունները։
Եթե անցյալ տարի այս վարկանիշային աղյուսակը գլխավորում էր Բեյոնսեն, ապա այս տարի առաջատարի դերում հայտնի բռնցքամարտիկ Ֆլոյդ Մեյվեզերն է՝ 300 միլիոն դոլար տարեկան եկամուտով։
Բեյոնսե
Երկրորդ տեղում հայտնվել է Մենի Պակյաոն, որը մայիսին կայացած «դարի մենամարտի» ժամանակ պարտվեց Ֆլոյդ Մեյվեզերին։
Երրորդում երգչուհի Քեթի Փերին է (տարեկան 135 միլիոն դոլար), որն իր եկամուտները ստանում է Prismatic World Tour համերգային շրջագայությունից եւ տարբեր ապրանքանիշեր գովազդելուց։
Լավագույն տասնյակում ընդգրկվել են նաեւ One Direction խմբի անդամները, ռոդիոհաղորդավար Հովարդ Սթերնը, գրող Ջեյմս Փաթերսոնը, դերասան Ռոբերտ Դաունի-կրտսերը, երգչուհի Թեյլոր Սվիֆթը, Կրիշտիանու Ռոնալդուն եւ ուրիշներ։
Թեյլոր Սվիֆթ
Ի դեպ, այս տարի Բեյոնսեն այս ցուցակում զբաղեցրել է 29-րդ տեղը՝ 54.5 միլիոն դոլար եկամուտով։
Աղբյուրը՝ EOnline