Թեյախմության տասն արգելված կանոն

21:09   27 օգոստոսի, 2015

Ձեր ուշադրությանն ենք ներկայացնում տասը կանոն, որոնք թույլ չեն տալիս թեյը դարձնել վնասակար եւ անհամ ըմպելիք։

1. Չի կարելի թեյ խմել քաղցած ժամանակ։ Չինացիներն այդ ամենը համեմատում են գայլին տուն թողնելու հետ։ Քաղցած ժամանակ թեյ խմելը հանգեցնում է ստամոքսի եւ փայծաղի էներգետիկ դիսբալանսի։

2. Շատ տաք թեյը կարող է վնասել բերանի խոռոչի, կերակրափողի եւ ստամոքսի լորձաթաղանթը։ Մշտապես շատ տաք թեյ խմող մարդկանց մոտ կարող են վերոհիշյալ օրգանների հիվանդություններ առաջանալ։ Սովորաբար թեյի ջերմաստիճանը պետք է 56 աստիճան լինի։

3. Շատ սառը թեյը նույնպես վնասակար է։ Այն նպաստում է օրգանիզմում լորձի եւ խորխի կուտակման գործընթացին։

4. Շատ թունդ թեյ․ Տանինով հարուստ տաք թեյը կարող է գլխացավ եւ միգրենի «զգացում» առաջացնել։

5. Չպետք է երկար թմրեցնել թեյը․ Որքան երկար եք նույն թուրմն օգտագործում, այնքան ավելի է մեծանում մանրէների զարգացման եւ տարածման հավանականությունը։

6․Պետք է օգտագործել միայն նոր թրմեցված թեյ։ Եթե թեյի տերեւները մի քանի անգամ եք թմրեցում, դրանք կորցնում են իրենց օգտակար հատկանիշները։ Փորձը ցույց է տվել, որ առաջին թմրեցման ժամանակ թեյը պարունակում է տերեւների օգտակարության 50%-ը, երկրորդի դեպքում՝ 30%-ը, երրորդի դեպքում՝ 10%-ը, իսկ հաջորդ թմրեցումների ժամանակ պահպանվում է միայն 1-3%-ը։

7. Չի կարելի թեյ խմել սնվելուց առաջ, քանի որ դրանից հետո սնունդը անհամ ու տհաճ է թվում։ Ավելին, այս պարագայում դանդաղում է սպիտակուցների յուրացումը օրգանիզմի կողմից։ Ուստի, թեյը պետք է խմել ուտելուց 20-30 րոպե առաջ։

8․ Չի կարելի թեյ խմել սնվելուց հետո։ Սա բացասաբար է ազդում ստամոքսահյութի վրա, ինչն էլ հանգեցնում է մարսողության գործընթացի խանգարման եւ հետագա խմորման։

9․ Չի կարելի թեյով դեղահաբ խմել։ Այն դժվարացնում է դեղահաբի յուրացումն ու նվազեցնում դրա ազդեցությունը։

10. Չի կարելի նախորդ օրվա թեյ խմել․ Թեյը մեկ օր անց ոչ միայն կորցնում է իր օգտակար հատկությունները, այլեւ իդեալական վայր է դառում բակտերիաների համար։ Իսկ եթե թեյը չի փչացել, այն կարելի է օգտագործել որպես բուժիչ միջոց, քանի որ այս դեպքում թեյը հարուստ է թթուներով եւ ֆտորով։ Դրանով կարելի է ողողել բերանի խոռոչը․ այն կօգնի լնդերի արյունահոսության եւ լեզվի վնասվածքների դեպքում։ Ի դեպ, առավոտյան մինչեւ ատամները լվանալը, կարելի է թեյով ողողումներ անել։ Սա ոչ միայն կօգնի պահպանել բերանի խոռոչի թարմությունը, այլեւ ամրացնում է ատամները։

Աղբյուրը՝ Creu



© NEWS.am STYLE