«Երեւանը շատ բաց եւ հյուրընկալ քաղաք է». Նաստասյա Կինսկի (ֆոտոռեպորտաժ)
16:31 15 հուլիսի, 2015«Երեւանը շատ բաց եւ հյուրընկալ քաղաք է». այսօր լրագրողների հետ հանդիպման ժամանակ ասաց «Ոսկե Ծիրան 2015» կինոփառատոնի հատուկ հյուր, դերասանուհի Նաստասյա Կինսկին:
Հանդիպման ընթացքում Կինսկին պատասխանեց լրագրողների հարցերին` կիսվելով Հայաստանից, կինոփառատոնից ստացված տպավորությունների մասին եւ խոսելով իր դերասանական կարիերայից:
Երեւանի եւ «Ոսկե Ծիրանի» մասին
Այնքան տեսնելու եւ սովորելու բան կա Երեւանում: Ամեն ինչ այնքան գեղեցիկ է, եւ թվում է` ես ինչ-որ բան գիտեմ այստեղի մարդկանց մասին: Ինձ համար սա շատ յուրահատուկ պահ է` գտնվել այստեղ: Երեւանը բաց ու հյուրընկալ քաղաք է, որտեղ կա ազատություն եւ ուրախություն:
«Ոսկե Ծիրանի» ֆիլմերը դիտում եմ, բայց ոչ ամբողջությամբ: Միջազգային գեղեցկություն եմ տեսնում այստեղ, որը համախմբում է ամբողջ աշխարհի մարդկանց:
Դերասանական կարիերայի մասին
Մեզանից յուրաքանչյուրն իր կյանքում ունենում է վերելքի եւ անկման պահեր: Ես հաջողություններ շատ եմ ունեցել, եւ նույնիսկ ինչ-որ բաներ, որ չեմ հաջողել, ընդունում եմ որպես իմ ճամփորդության մի մաս:
Ես վավերագրական ֆիլմ եմ նկարահանում սպորտսմենների մասին, որոնք սովորեցնում են, որ երազանքին հասնելու համար պետք է պայքարել: Հաջողությունը լավ բան է, բայց պետք է սովորել նաեւ պատվել:
Շուշան Շատիկյան
Լուսանկարները` Արսեն Սարգսյանի