Մայլի Սայրուսը կդառնա MTV Video Music Awards մրցանակաբաշխության հաղորդավար
15:16 21 հուլիսի, 201522-ամյա Մայլի Սայրուսն այս տարի կդառնա MTV Video Music Awards մրցանակաբաշխության հաղորդավար: Հանրահայտ երգչուհին ինքն է հայտնել այդ մասին սոցցանցերում:
«MTV-ն ինձ թույլ չտվեց ելույթ ունենալ, այդ պատճառով այս տարի ես վարելու եմ VMA –ը», - գրված է պաստառի վրա:
Նշենք, որ Մայլի Սայրուսը մրցանակաբաշխությանը ելույթ է ունեցել 2013 թվականին, իսկ անցած տարի Սայրուսը Wrecking Ball հոլովակի համար դարձել է «Տարվա հոլովակ» անվանակարգի հաղթող: Ընդ որում, երգչուհին դուրս չի եկել մրցանակը ստանալու համար, այլ ուղարկել է մի անօթևանի, որը խնդրել է հանդիսատեսին գումար հավաքել բարեգործական կազմակերպության համար: