Վեց խորհուրդ, թե ինչպես պետք է աջակցել ամուսնուն ծանր աշխատանքային օրվանից հետո

Տղամարդիկ սովորաբար բավականին հոգնած են վերադառնում տուն, քանի որ աշխատանքային օրերը հաճախ հագեցած եւ ծանրաբեռնված են լինում։ Սակայն եթե տղամարդը ծանր աշխատանքային օրվանից հետո գալով տուն զգում է իր կնոջ սերն ու ջերմությունը, ամեն ինչ միանգամից փոխվում է։ Իսկ ինչպես կարող է կինը աջակցել իր ամուսնուն։

Դիմավորեք նրան

Նույնիսկ եթե ամուսինը վերադառնում է տուն եւ դուք զբաղված եք շատ կարեւոր գործով, միեւնույնն է, չպետք է մոռանալ նրան դիմավորելու եւ ողջունելու մասին։ Հիշեք, որ աշխատանքային գերլարված օրվանից հետո նա առաջին հերթին ցանկանում է տեսնել իր գեղեցկուհի կնոջն ու ժպտադեմ երեխաներին։

Մի ծանրաբեռնեք նրան

Իհարկե, բնական երեույթ է, որ ամուսինները միմյանց պատմում են, թե ինչ է իրենց հետ կատարվել օրվա ընթացքում, բայց երբ ամուսինը հոգնած վերադառնում է տուն, պետք չէ հավելյալ ծանրաբեռնել նրան՝ պատմելով թե ինչ եք խոսել ձեր ընկերուհու հետ, ինչ եք եփել, ինչ գնումներ եք կատարել եւ այլն։

Թույլ տվեք, որ նա հանգստանա

Թույլ տվեք, որ նա նստի, հանգստանա, թուլանա, ինչից հետո արդեն կարելի է սկսել քննարկել, թե ինչ է պատահել նրա հետ օրվա ընթացքում։

Լսեք նրան

Երբ նա արդեն փոքր-ինչ հանգստացած կլինի, հարցրեք նրան, թե ինչպես է անցել նրա օրը։ Ուշադրությամբ լսեք նրան, ցույց տվեք, որ նա հիանալի ամուսին եւ հայր է ձեզ համար։ Մեծ ուշադրությամբ հետեւեք ձեր ամուսնու խոսքին եւ թույլ տվեք, որ նա արտահայտի իր զգացմունքները։

Ակտիվացրեք նրան

Երբեմն տղամարդիկ ուղղակի ձեր կարեկցանքի եւ աջակցության կարիքն ունի։ Հետեւաբար, նրա համար շատ կարեւոր է նման խոսքեր լսելը։ Հիշեցրեք նրան, որ նա տաղանդավոր է, հաջողակ եւ լայն հնարավորություններով լի։ Չէ՞ որ նա լավագույն տղամարդն է ձեզ համար։

Թույլ տվեք, որ նա ժամանակ անցկացնի երեխաների հետ

Երբ ձեր ամուսինը հոգնած վերադառնում է տուն, սովորաբար կանայք փորձում են լռեցնել երեխաներին, որպեսզի հայրիկը հանգստանա։ Սակայն իրականում պետք է անել հակառակը, քանի որ հենց երեխաները կարող են սթրեսից հանել իրենց հայրիկին։ Օրինակ՝ նա կարող է խաղալ երեխաների հետ, օգնել նրանց Lego քաղաք կառուցելու հարցում եւ այլն։

Հիշեք, որ ծան աշխատանքային օրվանից հետո տղամարդը միայն ձեր եւ երեխաների սիրո ու ջերմության կարիքն ունի։

Megan Shauri
6 ways to calm your husband’s soul when
he’s had the worst day ever via Клубер