Ալեքսանդրա Ամբրոսիոն ներկայացրել է 2,5 մլն դոլար արժողությամբ կրծկալը
13:52 17 հոկտեմբերի, 2012Բրազիլացի հայտնի մոդել Ալեքսանդրա Ամբրոսիոն ներկայացրել է 2,5 մլն դոլար արժողությամբ կրծկալ. ճոխ կրծկալը, որի վրա աշխատել են առաջատար ոսկերիչները, ցուցադրելու համար Victoria's Secret-ն այս տարի ընտրել է 31-ամյա մոդելին ու երիտասարդ մայրիկին:
Ներքնազգեստը զարդարված է թանկարժեք քարերով, այդ թվում շափյուղներով, ամեթիստներով, սուտակներով ու ադամանդներով, որոնց թիվն այս արվեստի գործի վրա գերազանցում է 5 հազարը, հայտնում է New York Daily News-ը:
Ամբրոսիոն կներկայացնի այդ «թանկարժեք» կրծկալը ամենամյա Victoria's Secret Fashion show-ում, որը կցուցադրվի դեկտեմբերի 4-ին CBS հեռուսաալիքով:
Հավելենք, որ անցած տարի ամենաթանկ կրծկալը ներկայացրել է Միրանդա Քերը: