Քայլի Ջեների անկեղծ ֆոտոշարքը՝ Galore-ի համար
11:27 9 սեպտեմբերի, 2015Ինչ-որ բան հուշում է, որ 18-ամյա Քայլի Ջեների սեքս-հոլովակը երկար սպասեցնել չի տա. հավանաբար, նա կնկարահանի այն իր ընկերոջ՝ 25-ամյա ռեփեր Tyga-ի հետ։ Քարդաշյան-Ջեներ ամբողջ ընտանիքը ամեն ինչ անում է իրենց նոր «բրենդի թողարկման» համար։ Աղջիկը դեռ երկու բառ չի կարողանում կապել իրար, բայց արդեն հայտնվում է համաշխարհային պարբերականների առաջին էջերին։ Բայց այս տիկնիկը դեռեւս միայն կրկնօրինակում է ավագ քրոջը՝ Քիմին։
Վերջերս Քայլին հայտնվել է Galore պարբերականի ֆոտոշարքում։ Իսկ ո՞վ է նրան լուսանկարել։ Այո, հենց ինքը՝ Թերի Ռիչարդսոնը։
Նրանց համար, ովքեր այնքան էլ հետաքրքրված չեն նորաձեւության աշխարհով, նշենք, որ շատ մոդելներ ուղղակի երազում են, որ աշխարհահռչակ այս լուսանկարիչը ուշադրություն դարձնի իրենց։
Իսկ Քայլիի դեպքում, ամեն ինչ այլ է...
Ամսագրի շապիկին գրված է՝
«Միակ բանը, որը կարող ես կանխատեսել, նրա անկանխատեսելիությունն է»։
Լուսանկարներում Քայլին ներքնազգեստով եւ խորը դեկոլտեով հագուստներով է։
«Իրականում ես չեմ ցանկանում լինել 18 տարեկան։ Ես կցանկանայի, որ ամբողջ կյանքում մնայի 17 տարեկան եւ չմեծանայի։ Ուզում եմ միշտ երիտասարդ մնալ եւ վայելել այն, բայց իմ կենսակերպը ստիպում է ինձ արագ հասունանալ»,- ամսագրին տված հարցազրույցում ասել է «իմաստուն» աղջիկը։
Ջեները նաեւ հայտնել է, որ պատրաստվում է թողարկել իր վեբ-կայքը, որտեղ հրապարակելու է ուսուցողական հոլովակներ, օրինակ՝ ինչպես ավելի գրավիչ ու փարթամ դարձնել շուրթերը։
«И целуй меня везде, 18 мне уже…»
