Դիզայներներն ու ոճաբանները շարունակում են զարմացնել նորաձեւության սիրահարներին: Այս անգամ աշնանային սեզոնի համար նրանք դիմահարդարման ասպարեզ են բերել շրթներկի միանգամայն նոր երանգ, որը կոչվում է նոր սեւ:
Այս գույնը ենթադրում է սեւին շատ մոտ երանգներ, որոնք, սակայն, պետք է պարունակեն նաեւ բորդոյի եւ սմբուկի գույնի երանգներ:
Շրթներկի այս գույնը բոլորովին վերջերս է տարածվել` շնորհիվ դիզայներների` աշուն 2015-ձմեռ 2016 հավաքածուների ցուցադրությունների:
Անշուշտ, կոսմետիկ միջոցներ արտադրող ընկերությունները շուտով լայն սպառման կհանեն նոր սեւ շրթներկը, սակայն մինչ այդ ոճաբանները խորհուրդ են տալիս բորդոյի մուգ եւ բաց երանգները միախառնելով ստանալ ցանկալի ու նորաձեւ գույնը:
Շուշան Շատիկյան