Նյու Յորքի Նորաձեւության շաբաթ. Ralph Lauren-ի գարուն-ամառ 2016 հավաքածուն

16:35 18 սեպտեմբերի, 2015

Նյու Յորքի Նորաձեւության շաբաթի վերջին օրն իր գարուն-ամառ 2016 հավաքածուն է ներկայացրել Ralph Lauren-ը։

Ցուցադրությունը Նյու Յորքից առցանց հեռարձակվում էր նաեւ լոնդոնյան Փիքադիլի հրապարակի մեծ էկրաններին։

Հավաքածուի առաջին մասի ցուցադրության ժամանակ մոդելները վերածվել էին նավաստիների։

Սկզբում հագուստները միայն սպիտակ եւ կապույտ զոլերով են եղել, իսկ հետո աստիճանաբար փոփոխվել են՝ համադրվելով կարմիր եւ բեժ գույներով։ Իսկ վերջում զոլերն ընդհանրապես անհետացել են՝ վերածվելով մինչեւ հատակը ձգվող զգեստների, կիսաշրջազգեստների եւ կոմբինեզոնների։