Նրանք, ովքեր հետաքրքրված են իսպանական մշակույթով կամ եղել են այս արեւոտ ու կրակոտ երկրում, չեն կարող գոնե մեկ անգամ տեսած չլինել ֆլամենկո կրքոտ պարը։
Ֆլամենկոն իսպանական պարային ոճ է, որը ծագել է Անդալուսիայում։ Այն պարի, իսպանացիների կրքի եւ կիթառի միաձուլումն է, որն արտահայտում է պարողի ոգու ճիչը։ Ֆլամենկոն պոռթկում է, որը պարողին օգնում է ազատվել հոգում կուտակված ցավից եւ վիրավորանքից, նոր ուժ հավաքել եւ առաջ շարժվել։ Ֆլամենկոյի երաժշտության վրա իր ազդեցությունն ունի գնչուականը։ 15-րդ դարում գնչուները, գալով Իսպանիա, բնակություն են հաստատում Անդալուսիայում եւ իրենց երաժշտության ու տեղի երաժշտական ավանդույթների միաձուլման արդյունքում ծնվում է ֆլամենկոն։
NEWS.am STYLE-ի թղթակիցը վերջերս է վերադարձել Անադալուսիայի ութ շրջաններից մեկից՝ Գրանադայից, եւ այնտեղ հնարավորություն է ունեցել վայելել իսպանական ֆլամենկոն։
Դիանա Հովհաննիսյան