Քլոե Քարդաշյանը պաշտոնական հայտարարություն է արել Լամար Օդոմի հետ կապված
11:03 21 հոկտեմբերի, 2015Քլոե Քարդաշյանը պաշտոնական հայտարարություն է արել Լամար Օդոմի վերաբերյալ: Ինչպես գիտեք, Քլոեի ամուսինը՝ 35-ամյա բասկետբոլիստ Լամար Օդոմը, դուրս է եկել կոմայից ու երեկ Լաս Վեգասից Լոս Անջելես տեղափոխվել:
Մինչ ոստիկանությունը հարցեր է պարզաբանում անառականոցի հետ, որտեղ Լամարին գտել էին անգիտակից վիճակում, Քլոեն իր website-ում գրել է.
«Անցած շաբաթը չափազանց ծանր էր: Շնորհակալություն ընտանիքիս, ընկերներիս ու երկրպագուներիս, որոնք աղոթում էին ինձ համար: Շնորհակալ եմ նաեւ Լաս Վեգասի Sunrise Hospital-ի բժիշկներին, որոնք իրենց ուշադրությամբ ու աշխատանքով հրաշք գործեցին:
Ոչ ոք երբեք չի կարող պատրաստ լինել նման բաների: Բայց առանց ձեր սիրո ու աղոթքների, դժվար կլիներ այս փորձությանը դիմանալը: Շնորհակալ եմ ձեր աջակցության համար: Աստված մեծ է»,- գրել է Քլոեն: