Առանց դիմահարդարման Ադելը՝ Rolling Stone-ի ֆոտոսեսիայում
15:46 4 նոյեմբերի, 2015Երգչուհի Ադելը իր նոր «Hello» հիթով, անհամար ռեկորդներ է սահմանում։
Բրիտանացի 27-ամյա երգչուհին առանց դիմահարդարման նկարահանվել է Rolling Stone-ի ֆոտոսեսիայում եւ պատմել է, թե ինչու է այդքան հազվադեպ ուրախացնում իր երկրպագուներին ստեղծագործական նորույթներով։
Ադելը խոստովանել է, որ իր համար ստեղծագործելը հոբբի է, որից ինքը հաճույք է ստանում եւ չի ձգտում, որ իր երգերը գլխավորեն ռադիոընկերությունների վարկանիշային աղյուսակները։ Երգչուհին նշել է, որ իր համար անհամեմատ ավելի կարեւոր է ժամանակ անցկացնել ամուսնու եւ երեք տարեկան որդու՝ Անջելոյի հետ։
«Ես չեմ սիրում հայտնի լինել, իրոք։ Դա թունավորում է մարդուն։ Ճանաչումը կլանում է քեզ։ Իմ կարիերան ոչ միայն իմ հոբբին է, այլեւ իմ ամբողջ կյանքը», –նշել է Ադելը։
Ադելը նաեւ ասել է, որ նույնիսկ եթե ավելի նիհար լինել, մերկ չէր նկարվի, որովհետեւ իր մարմինը միայն իրեն է պատկանում։ Երգչուհին իր մտքերն է ներկայացրել այն մասին, որ փարթամ կազմվածքը, որով ինքը տարբերվում է իր սլացիկ գործընկերներից, հենց այն տարբերակիչ հատկանիշն է դարձել, որը ուշադրություն է հրավիրել իր գործունեության վրա։
«Կնկարվեի՞ գլամուրային ամսագրերի համար, եթե ավելի նիհար լինեի։ Կարծում եմ՝ ոչ, որովհետեւ իմ մարմինը միայն ինձ է պատկանում եւ չեմ ուզում բոլորին ցույց տալ։ Ինձ միշտ տանջում է միեւնույն հարցը. «Արդյո՞ք ես նույնքան հաջողակ կլինեի, եթե մի օր իմ չափը S լիներ», – իր մտորումներն է ներկայացրել Ադելը։