Ինչպես պաշտպանել մազերը թափվելուց

21:22   30 հունվարի, 2013

Կյանքի ողջ ընթացքում մարդը պարբերաբար փոխում է մազերը։ Սակայն ի՞նչ անել, երբ կորցրած մազերի քանակն ամեն օր շատանում է։ NEWS.am STYLE –ի համար գաղտնիքներ է բացում «Թոմա» գեղեցկության սրահի վարսահարդար Անի Թաթոսյանը.

«Որպես մասնագետ, խորհուրդ եմ տալիս տարբեր դիմակներ օգտագործել, որոնք կօգնեն վերացնել մազերը թափելու պատճառներն ու կկանգնեցնեն գործընթացը։

Սկսենք առաջին դիմակից։

Պարբերաբար օգտագործելու համար պետք է 200 մլ-անոց ցանկացած շամպույնին ավելացնել երկու պարկուճ B վիտամինի կոմպլեքս (5 մլ), երկու պարկուճ А եւ Е վիտամիններ։ Այս ամենը պետք է լավ խառնել, ապա քսել գլխին ու լվանալ մերսելով։

Երկրորդ բաղադրատոմսը։

Երեք ճաշի գդալ կապույտ կավը բացեք 6 թեյի գդալ սառը ջրով, լավ խառնեք, հավասարաչափ քսեք գլխին եւ պահեք 2 ժամ։

Երրորդ բաղադրատոմսը։

50 մլն գերչակի յուղը, ձվի մեկ դեղնուցը, 2 ճաշի գդալ կոնյակը, 2 ճաշի գդալ քացախը լավ խառնեք, քսեք մազերին եւ 2-3 ժամ պահելուց հետո լվացեք՝ գլուխը երեք անգամ օճառելով։

Չորրորդ բաղադրատոմս։

Այս դիմակի համար անհրաժեշտ կլինի 50 մլն երիժնակի յուղ, 2 ճաշի գդալ մեղր, 20 գրամ լիմոնի հյութ, ինչպես նաեւ 20 գրամ սոխի հյութ։ Ստացված խառնուրդը մոտ երկու ժամ պահեք մազերին եւ լվացեք տաք ջրով։

Եւ, վերջապես, հինգերորդ բաղադրատոմսը։

B վիտամինի կոմպլեքսի (5 մլն) երեք պարկուճը, 1 սխտորը, լիմոնի հյութը, 1 ճաշի գդալ միջին կծվության կարմիր բիբարն ու մեկ դեղնուցը լավ խառնեք մինչեւ պնդանալը։ Ապա ստացված զանգվածը դրեք մութ տեղ ու թողեք մոտ երկու ժամ։ Ժամանակը լրանալուց հետո քսեք մազերի ծայրերին ու թողեք մեկ ժամ, ապա լվացեք տաք ջրով 3-4 անգամ։ Արդյունքն ակնհայտ է»։

Գրի առավ Լաուրա Բալայանը



© NEWS.am STYLE