Քլոե Քարդաշյանը սպիտակ Bentley-ով է գնացել հիվանդանոց՝ Քիմին այցելության
13:25 6 դեկտեմբերի, 2015Երեկ լույս աշխարհ է եկել ամերիկյան հայտնի հեռուստաաստղ Քիմ Քարդաշյանի եւ ռեփեր Քանյե Ուեսթի որդին:
Պապարացիներն արդեն վաղուց հավաքվել են Լոս Անջելեսի Cedars-Sinai Medical Center բժշկական կենտրոնում, որտեղ, ի դեպ, իր բուժման կուրսն է անցնում նաեւ Քլոե Քարդաշյանի ամուսինը՝ Լամար Օդոմը: ԲԿ-ի դիմաց սպասող լրագրողներին հաջողվել է լուսանկարել Քլոե Քարդաշյանին, որը սպիտակ Bentley-ով է եկել հիվանդանոց՝ Քիմին այցելության:
«Ես այս հիվանդոնցը շատ լավ գիտեմ. մի սենյակից մյուսը», - Թվիթթերում գրել է հայտնի հեռուստաաստղ Քլոեն:
«Քիմն ու Քանիեն շատ ոգեւորված են: Երեխան իրեն լավ է զգում: Ամբողջ հիվանդասենյակը զարդարված է փուչիկներով եւ ծաղիկներով».- հայտնել է զույգին մոտ կագնած աղբյուրը:
Աղբյուրը՝ TMZ