Շաբաթ օրը՝ դեկտեմբերի 5-ին, լույս աշխարհ է եկել ամերիկյան հայտնի հեռուստաաստղ Քիմ Քարդաշյանի եւ ռեփեր Քանյե Ուեսթի որդին։ Իսկ այսօր իր պաշտոնական էջում 35-ամյա հայուհին երկրպագուներին տեղեկացրել է, որ որդուն անվանակոչել են Սեյնթ Ուեսթ (Սուրբ Ուեսթ)։
Ավելի վաղ լուրեր էին տարածվել, որ Քիմը ցանկանում է որդուն կոչել հոր՝ Ռոբերտ Քարդաշյանի անունով, սակայն Քանյեն համաձայնություն չէր տվել: Զույգը նաեւ դիտարկում էր երկու անվան տարբերակը. Ռոբերտ եւ երկրորդ անուն, որը կընտրի Քանիե Ուեսթը։