Լոնդոնում թալանել են Ռիտա Օրայի տունը

Անցած շաբաթը Ռիտա Օրայի համար այնքան էլ հաճելի չի անցել։ Հյուսիսային Լոնդոնում երգչուհու տունը «դատարկել են» հանցագործները, որոնք կարողացել են իրենց հետ տանել թանկարժեք զարդեր, կանխիկ փող եւ էլեկտրատեխնիկա: Վնասի գումարը չի հաղորդվում: 

Daily Mail-ի փոխանցմամբ՝ գողության պահին Ռիտա Օրան տանը չի եղել, սակայն երգչուհու երեքհարկանի առանձնատանը նրա ընտանիքի անդամներից մեկն է եղել: Թալանը տեղի է ունեցել վաղ առավոտյան, եւ այդ պահին Օրայի ընտանիքի անդամը քնած էր: 

Նշանակալի է, որ վերջերս հաճախացել են գողությունները Անգլիայի մայրաքաղաքի հենց այդ շրջանում: Հավելենք, որ X Factor նախագծում Ռիտա Օրայի հետ միասին ժյուրիի կազմում ընդգրկված անգլիացի հեռուստահաղորդավար եւ պրոդյուսեր Սայմոն Կոուելը եւս ուղիղ մեկ շաբաթ առաջ թալանի զոհ է դարձել: Սայմոնի տունը գտնվում էր նույն շրջանում, ինչ երգչուհունը: Այն ժամանակ գողերը տարել էին կանխիկ գումար եւ կես միլիոն ֆունտ արժողությամբ թանկարժեք զարդեր:  

Ինչպես հաղորդում է աղբյուրը, Ռիտան ցնցված է տեղի ունեցածից: 

Ոստիկանությունը քննարկում է այն վարկածը, թե տեղի ունեցածը մեկ ավազակախմբի ձեռքի գործն է, որի անդամները շատ լավ գիտեին, թե երգչուհու տանը ինչը որտեղ է: