Հինգ իր, որոնք քեզ հնաոճ են դարձնում
21:20 19 դեկտեմբերի, 2015Այս իրերը հարկավոր է առանց ափսոսելու «աքսորել» զգեստապահարանից
Կոշիկներ-սմբակներ
Հսկայական բարձր կրունկով և «թաքուն ներկառուցված» հարթակով կոշիկները պետք է որ մնային հեռավոր 2000 թվականներում, սակայն ինչ-որ անհայտ պատճառով աղջիկները մինչ օրս շարունակում են հագնել դրանք։ Արագ ազատվիր այդ զույգից, եթե այն դեռ առկա է քո պահարանում։
Իջեցված գոտկատեղ
Ցածր գոտկատեղով հագուստները նույնպես արդիական էին 2000-ականներին։ Սակայն այսօր իշխում են նորմալ և բարձր գոտկատեղով տաբատները։ Ուստի, <<սեքսուալ>> և կոնքերը կտրող ցածր գոտկատեղով ջինսերը արժե դեն նետել ու մոռանալ իրենց մասին ընդմիշտ ։
Փայլուն զուգագուլպաներ
Բազմիցս ենք ասել, որ փայլուն ու արհեստական լույսի ներքո շողացող մարմնագույն, կամ արեւայրուքի գույնով զույգագուլպաները, ցածրաճաշակության նշան են։ Սակայն միեւնույնն է, ամբողջ տարվա ընթացքում՝ ինչպես ձմռանը, այնպես էլ ամռանը, կարող ենք հանդիպել դրանք՝ օրինակ, կորպորատիվ հավաքույթների ժամանակ։
Պայուսակի գույնին համապտասխան կոշիկ
Դե, իհարկե, այս կետը չի վերաբերվում «սեւը սեւի հետ» իրական պատմությանը, սակայն մնացած բոլոր դեպքերում իմաստ չունի հիվանդագին կերպով պայուսակ փնտրել՝ նույն երանգ ունեցող կոշիկների համար։
Երկար եղունգներ
Կարեւոր չէ՝ արհեստակաորեն երկարեցված են, թե բնականից երկար են՝ կոկիկ եղունգների փոխարեն․ սա գլխավոր ազդանշաններից մեկն է, որ այդ մատնահարդարման «տիրուհին» տեղեկություն չունի ժամանակակից նորաձևության միտումների մասին։
Աղբյուրը ՝ Cosmo