Մի քանի օր առաջ Tumblr սոցիալական ցանցը հրապարակել էր 2015 թ. ամենահայտնի մոդելների վարկանիշը: Առաջին տեղում Քենդալ Ջեններն էր, երկրորդում Կարա Դելեւինը, երրորդում՝ Ջիջի Հադիդը:
Իսկ հիմա Models.com կայքը ներկայացրել է ամենահայտնի տղամարդկանց ու կանանց իր ցուցակը: Մեր ուշադրությունը գրավել է հատկապես վերջին ցուցակը։
Աննա Էվերս
Եվ այսպես, հատուկ ժյուրին «Տարվա մոդել» է ընտրել գերմանացի Աննա Էվերսին, երկրորդ տեղը հատկացրել է Ջիջի Հադիդին, երրորդը՝ Քենդալ Ջեններին:
Ջիջի Հադիդ
Չնայած ընթերցողների համակրանքն այնուամենայնիվ վերջին երկուսի կողմից էր։ Ըստ ընթերցողների քվեարկության՝ առաջին տեղը բաժին է ընկել Ջիջիին, իսկ երկրորդը՝ Քենդալին:
Քենդալ Ջեներ
«Տարվա ամենամեծ հաջողություն» անվանակարգում ժյուրի ընտրել է Լինեյզի Մոնտերոյին, իսկ ընթերցողները՝ Բելլա Հադիդին, Ջիջիի կրտսեր քրոջը:
Բելլա Հադիդ
Ժյուրիի կարծիքով սոցցանցերի աստղն է դարձել Ջիջի Հադիդը, իսկ ընթերցողների կարծիքով՝ Քենդալ Ջենները:
Ռիհաննա
Հանրահայտ մարդկանց շրջանում ժյուրիի կողմից լավագույն մոդել է ճանաչվել Ռիհաննան, իսկ ընթերցողների կողմից՝ Կարա Դելեւինը:
Ջասթին Բիբեր
Տղամարդկանց շարքերում այդ տիտղոսը՝ ժյուրիի ու ընթերցողների միաձայն որոշումով բաժին է հասել Ջասթին Բիբերին: