Հանրահայտ շոումեն Դմիտրի Նագիեւը երկու ընտանիք ունի

Հանրահայտ շոումեն ու դերասան Դմիտրի Նագիեւը կանայք ու երեխաներ ունի Մոսկվայում ու Սանկտ Պետերբուրգում, գրում է Super-ը:

Դմիտրի Նագիեւի անձնական կյանքի մասին շատ քիչ բան է հայտնի: Դերասանը 18 տարի ամուսնացած է եղել ռադիոհաղորդավարուհի Ալիսա Շերի հետ, իսկ նրանց ընդհանուր որդին՝ Կիրիլ Նագիեւը արդեն 26 տարեկան է: Նրանց ամուսնալուծությունից հետո մամուլում բազմիցս քննարկվել են դերասանի նոր սիրավեպերը, սակայն Նագիեւն ինքը դրանք ոչ մի կերպ չի մեկնաբանել: Դմիտրին առհասարակ ոչինչ չի պատմում իր անձնական կյանքի մասին՝ դրանով իսկ ստիպելով, որ լրագրողները իրենց ուժերով տեղեկություններ հայթայթեն:

Սակայն պապարացիները պարզել են, որ Մոսկվայում Նագիեւը մի ընտանիքի հետ է ապրում, իսկ Սանկտ Պետերբուրգոմ՝ մեկ այլ: Մոսկվայում աշխատանքային ծանրաբեռնված օրվանից հետո շոումենը վերադառնում է Նովայա Ռիգայում գտնվող մի փակ ավան, որտեղ մի քանի տարի առաջ առանձնատուն էր գնել: Առանձնատան տարածքում թանկարժեք ավտոմեքենաներ կան, իսկ գազոնի վրա մանկական խաղալիքներ են թափված: Պարբերականին հաջողվել է պարզել, որ Նագիեւի հետ միասին այդ տանն ապրում է 40-ամյա տնային տնտեսուհի Աննա Սպեկտորը ու մի փոքրիկ աղջիկ՝ արտաքինից 4-5 տարեկան, որը ջրի երկու կաթիլի պես նման է շոումենին: Ի դեպ, կինն օգտվում է Նագիեւի ավտոպարկի մեքենաներից , իսկ տան մոտ գտնվող ավտոմեքենաներից մեկը գրանցված է նրա անունով: Բացի դրանից, Աննա Սպեկտորի հարազատ քույրը՝ Անաստասիան, սոցցանցերում «ընկերություն է անում» Կիրիլ Նագիեւի հետ։

 Իսկ հյուսիսային մայրաքաղաքում հայտի շոումենին երկրորդ ընտանիքն է սպասում: Պիտերի մոտ մի քանի տարի առաջ Նագիեւի կառուցած քոթեջում ապրում է Սանկտ Պետերբուրգում «Առաջին ալիքի» գլխավոր խմբագիր Նատալիա Կովալենկոն: Կինը մոտավորապես 50 տարեկան է, նա դաստիարակում է վեցամյա որդու՝ Մարկին, որը նույնպես Դմիտրիի հետ ապշեցուցիչ նմանություն ունի: Կովալենկոն գրեթե ամբողջ ազատ ժամանակը անց է կացնում երեխայի հետ: Նրանք հաճախ են Իսպանիա մեկնում, որտեղ պարբերականի տեղեկություններով հեռուստահաղորդավարն անշարժ գույք ունի:

Շոումենի ու նրա երկու կանանց միջեւ սիրային հարաբերություններն արդեն մի քանի տարի է շարունակվոմ են: Նատալիան ու Աննան շոու բիզնեսի հետ ոչ մի կապ չունեն ու ոչ հրապարակային կյանքով են ապրում: