Դեկտեմբերի սկզբին համացանցում հայտնվել է American Idol շոուի նոր եթերաշրջանի նախնական եսահոլովակը. շոուի հաջորդ եթերաշրջանը կցուցադրվի 2016-ի հունվարին: Մրցույթի երկրպագուներին ուրախացրել է այն տեղեկությունը, որ շոուին մասնակցելու է Քանյե Ուեսթը: Հիշեցնենք, որ ժյուրիում Ջենիֆեր Լոփեսն է, Կիթ Ուրբանը ու Հարրի Քոննիկը:
Իսկ հիմա համացանցում հայտնվել է մի տեսահոլովակ, որը տեղեկացնում է, որ Քանյեն անցել է նախնական լսումների փուլը ու ստացել շոուին մասնակցելու «ոսկյա տոմս»:
«Ես Քանյե Ուեսթն եմ Չիկագոյից»,- այսպես է սկսվում տեսահոլովակը:
Նշենք, որ ամուսնուն կուլիսների հետեւում անհամբերությամբ սպասում էր Քիմ Քարդաշյանը:
«Ես հավատում եմ նրա հաջողությանը»,- ասել էր հայուհին:
Թե ինչ ու ինչպես է ներկայացրել ռեփ երգիչը նախնական լսումներում, հայտնի կդառնա հունվարի սկզբին:
«Ես պրոդյուսեր եմ: Ես միշտ ցանկացել եմ լինել ռեփ երգիչ, բայց ոչ ոք չէր հավատում, որ դա ինձ կհաջողվի»,- ասում է տեսահոլովակում Քանյե Ուեսթը: