70 տարեկանում մահացել է Motorhead խմբի լիդեր Լեմմի Քիլմիսթերը
09:45 29 դեկտեմբերի, 201570 տարեկանում քաղցկեղից մահացել է բրիտանական Motorhead ռոք խմբի լիդեր Լեմմի Քիլմիսթերը, հայտնում է TMZ –ը: Լեմմին իր հիվանդության մասին երկու օր առաջ էր իմացել:
Քիլմիսթերը նվագում ու երգում էր խմբում դրա հիմնադրման պահից սկսած՝ 1975 թվականից: Բաս կիթառահար ու վոկալիստ Քիլմիսթերը խմբի սկզբնական կազմի միակ մասնակիցն էր: Իր պատմության ընթացքում կոլեկտիվը, որը համարում են հարդ ռոքի կամ մետալի ու նույնիսկ փանքի տարրերով ծանր ռոքնռոլի ներկայացուցիչ, 22 ստուդիայական ալբոմ է թողարկել:
Հիմնական հիթերն են համարվում Ace of Spades-ը, Overkill-ը и No Sleep 'Til Hammersmith-ը:
Մեկ ամիս առաջ էլ մահացել էր Motorhead –ի նախկին հարվածային գործիքներ նվագողը՝ Ֆիլ Թեյլորը:
2015-ին Քիլմիսթերը թոքերի ինֆեկցիա էր տարել, որի պատճառով կոլեկտիվը ստիպված էր հետաձգել մի քանի ելույթ:
Լրատվամիջոցների տեղեկություններով՝ մահվան պահին նա վիդեոխաղով էր զբաղված: