Ժաննա Ֆրիսկեի հայրը պատմել է երգչուհու ժառանգության հափշտակման մասին

Այսօր ռուսական լրատվամիջոցները մեկը մյուսի հետեւից հայտնում են այն մասին, որ հանգուցյալ երգչուհի Ժաննա Ֆրիսկեի ժառանգությունը հափշտակել են «Ռուսֆոնդ» բարեգործական կազմակերպությունից, որը գումար էր հավաքել երգչուհու բուժման համար: 

Ժաննա Ֆրիսկեի հայրը մեկնաբանել է՝ 21 մլն ռուբլու ծախսի մասին այդպես էլ հաշվետվություն չստացած «Ռուսֆոնդի» դիմումի հիման վրա քրեական գործ հարուցելու մասին տեղեկությունը: Վլադիմիր Բորիսովիչը նշել է, որ պատրաստ է ապացուցել այդ ծախսերի օրինականությունը:

«Ես ունեմ բոլոր փաստաթղթերը: Դա սուտ է: Նրանք այնտեղ պարզապես պարապ են մնացել: Ես ոչինչ չունեմ գրելու: Երեխան մահացել է (Ժաննան), իսկ նրանք ուրիշ գործ չունեն, միայն մահացած մարդկանց հիշատակն են պղծում, արդեն տանջեցին դրանով: ժառանգության մասին մեր բոլոր փաստաթղթերը դեռ նոտարի մոտ են, իսկ նրանք արդեն եզրակացություններ են անում»,- ասել է երգչուհու հայրը:
Նա «Ռուսֆոնդի» հետ ծագած խնդիրը դատարանում պարզաբանելու պատրաստակամություն է հայտնել:
«Եթե ուզում են՝ թող դատի տան: Ես բոլոր փաստաթղթերը դատարան կբերեմ»,- մեջբերում է Վլադիմիր Բորիսովիչի խոսքը «Дни»-ն՝ վկայակոչելով «Русская служба новостей»-ին։