Ձեզ ենք ներկայացնում ցանկացած ձմեռային կերպարին գույն հավելելու մի քանի հասարակ միջոց. ընտրիր այն, որը քեզ հարմար է եւ եղիր վառ ու ոճային:
Գունավոր մուշտակ
Գունավոր մորթին այս սեզոնում շատ նորաձեւ է, խոսքը հատկապես վառ մորթիով շարֆերի ու իհարկե գույնզգույն մուշտակների մասին է, որոնք հայտնվել են բոլոր ապրանքանիշների հավաքածուներում:
Դու էլ ձեռք բեր վառ գույնի մուշտակ՝ նորաձեւ են եւ ուղիղ ձեւվածքով երկար՝ մինչեւ ծունկ հասնող մոդելները , եւ կարճ խոշոր մուշտակները՝ ալյա Քեյթ Մոսս: Փրինթներով կամ էլ color blocking ոճով մուշտակները նույնպես նորաձեւ են:
Վառ շարֆ
Այն կարող է գույնզգույն լինել, կամ էլ հակառակը՝ միագույն լինել:
Երկու տարբերակներից որն էլ ընտրես, կլինի գույն հավելելու թերեւս ամենահեշտ ու ադյունավետ միջոցը:
Խոշոր բրոշ
Բրոշները նորից նորաձեւ են: Եթե դու կանխազգացել էիր նորաձեւության այդ միտումը ու նախապես տատիկիդ զարդատուփից վինտաժային զարդեր գտել , ուրեմն շնորհավորում ենք, կեցցե՛ս:
Իսկ եթե ոչ՝ ուրեմն շուտ ուսումնասիրիր օնլայն խանութների տեսականին ու գտիր որեւէ խոշոր ու վառ բրոշ, որը կզարդարի ցանկացած զգեստ, մուշտակ ու պիջակ:
Վառ պայուսակ
Ձմեռն ավելի վառ դառնալու նույնքան հասարակ ու ոչ պակաս արդյունաավետ միջոց է որեւէ աչքի զարնող կամ նորաձեւ պայուսակ ձեռք բերելը:
Ի դեպ ընտրություն կատարելիս՝ ուշադրություն դարձրեք ոչ միայն վառ գույների պայուսակներին, այլեւ մետաղացված կաշվից կամ հոլոգրաֆիական էֆեկտով մոդելների վրա:
Վառ շրթներկ
Ուրիշ էլ երբ շուրթերդ վառ շրթներկով ներկես , եթե ոչ ձմռանը: Այո, ընդհանուր առմամբ սա իդեալական ժամանակ է, որպեսզի իրականացնեք դիմահարդարման բոլոր այն փորձարկումները, որոնք չափազանց ծանր են թվում ամռանը:
Իսկ ինչ վերաբերում է հենց շրթներկին, մենք խորհուրդ ենք տալիս նախապատվությունը տալ սառը կարմիր ու սալորագույն երանգներին:
Աղբյուր՝ Cosmo