Variety. Թոմ Հենքսն ամերիկացիների ամենասիրելի կինոաստղն է

Ամերիկացի հայտնի դերասան Թոմ Հենքսը դարձյալ ԱՄՆ-ի ամենասիրելի կինոաստղ է հռչակվել: Երկրորդ տեղում Ջոննի Դեփն է, իսկ երրորդում` Դենզել Վաշինգթոնը: 

Ինչպես տեղեկացնում է Variety-ն, վարկանիշը կազմվել է  Harris Poll-ի հարցման վկայակոչմամբ: Հետազոտությանը 2.200 չափահաս ամերիկացի է մասնակցել: 

59-ամյա Հենքսը  2002-ին, 2004-ին, 2005-ին եւ 2013-ին արդեն դարձել է վարկանիշի առաջատար: 2015-ին նա դարձյալ գլխավորել է ցուցակը:

Չորրորդ հորիզոնականում Ջոն Ուեյնն է, հինգերորդում` Հարիսոն Ֆորդը:

Նրանց հետեւում են Սանդրա Բալոքը եը Ջենիֆեր Լոուրենսը: 

Թոփ տասնյակում են նաեւ Քլինթ Իսթվուդը, Բրեդ Փիթն ու Ջուլիա Ռոբերթսը: