Լարի Գագոսյանը ճանաչվել է արվեստի բնագավառի 2-րդ ամենաազդեցիկ մարդն աշխարհում
20:15 18 հոկտեմբերի, 2012«Gagosian Gallery»-ի մի շարք պատկերասրահների սեփականատեր, արտդիլեր, ծագումով հայ Լարի Գագոսյանը զբաղեցրել է երկրորդ տեղը «Art Review» ամսագրի ներկայացրած` արվեստի բնագավառի ամենազդեցիկ մարդկանց վարկանիշում:
Առաջին տեղը մշակույթի աշխարհի 100 ամենաազդեցիկ մարդկանց վարկանիշում «2012 Power 100» զբաղեցրել է «documenta 13» հանրահայտ ցուցահանդեսի նախկին տնօրեն Կարոլին Խրիստոբ-Բակարջիեւը:
Նշենք, որ Հայ գաղթականների որդի Լարի Գագոսյանը իր բիզնեսը սկսել է Կալիֆորնիայի համալսարանի դիմաց պոստերներ վաճառելով: Այսօրվա դրությամբ նա 11 պատկերասրահների տեր է, մեկը` Նյու Յորքում, երկուսը` Լոնդոնում, ինչպես նաեւ Բեւերլի-Հիլզում, Հռոմում, Աթենքում, Փարիզում, Ժնեւում եւ Հոնկոնգում: