Քայլի Ջեները պայմանագիր է ստորագրել Puma–ի հետ՝ չնայած Քանյե Ուեսթի դժգոհությանը
13:34 18 փետրվարի, 2016Puma–ի հետ Քանյե Ուեսթի պարզաբանումները ավարտվել են նրանով, որ ընկերությունը պայմանագիր է ստորագրել Քայլի Ջեների հետ, որը ապրիլին հերթական ցուցադրության ժամանակ կներկայացնի ապրանքանիշի հագուստը:
Հիշեցնենք, որ Քիմ Քարդաշյանի կրտսեր քույրը՝ Քայլի Ջեները հայտնվել էր ապրանքանիշի ու Քանյե Ուեսթի պարզաբանումների կենտրոնում: Խոսքը մի քանի միլիոն դոլարի պայմանագրի մասին էր, որով Քայլին պետք է դառնա ապրանքանիշի դեմքը: «1000 տոկոսով եմ ասում, որ երբեք Kylie Puma անունով որեւէ բան չի թողարկվի: Քայլին 1000 տոկոսով Yeezy–ի թիմից է», -վերջերս գրել էր ռեփերը իր Twitter-ում:
Սակայն Քայլին ու ապրանքանիշի ներկայացուցիչները այլ տեսակետ ունեին, ու նրանք գտել են լուծում, որը չի խանգարի Adidas–ի հետ Ուեսթի համագործակցությանը:
Ընկերության ներկայացուցիչը ավելի վաղ հաստատել էր, որ Քայլին ներկայացնելու է իրենց ապրանքանիշը:
«Քայլին դառնալու է ապրանքանիշի «դատապաշտպանը», սա նշանակում է, որ նա պարտավոր չէ քայլել մեր կոշիկով ու հագուստով, նա ընդամենը պետք է ժամանակ առ ժամանակ ներկայացնի մեր որոշ արտադրանքներ»,- հայտնել էր ընկերության ներկայացուցիչը:
Ինչ վերաբերում է Ուեսթին, ապա պապարացիները նրան «բռնացրել են» Լոս Անջելեսի օդանավակայանում:
Ռեփերը լավ տրամադրություն ուներ ու հայտարարել էր.
«Ես զայրացա, երբ իմացա, որ նա համագործակցում է Puma–ի հետ, բայց ընդհանուր առմամբ ես ուրախ եմ Քայլիի համար։ Սա լավ սկիզբ է»։
Իսկ Թեյլոր Սվիֆթի մասին Քանյեն ասել էր .
«Եթե ձեզ դուր է գալիս նրա երաժշտությունը, կարող եք լսել»։
Աղբյուրը՝ Daily Mail