Ոճաբանները, հոգեբանները եւ սոցիոլոգները հազար կնոջ լուսանկար են վերլուծել եւ մարդկանց մի խմբի առաջարկել են գնահատել լուսանկարում պատկերվածների տարիքը: Արդյունքում եզրակացություններ են արվել այն մասին, թե արտաքինի ընկալման վրա ինչպես է ազդում սանրվածքը: Ահա կտրվածքի եւ վարսահարդարման հինգ տարբերակ, որոնք կօգնեն ավելի երիտասարդ տեսք ունենալ:
1. Անփույթ բոբ
Հստակ գծերն ուշադրություն են գրավում դեմքի իդեալական օվալին, իսկ գրաֆիկական մազափունջը կարող է ընդգծել աչքերի անկյուններում կնճիռները կամ քթաշուրթային հատվածի ծալքերը: Կտրատված, անհարթ մազերը` կառուցվածքային, ավելի բաց կամ ավելի մուգ գույնի շերտերով, ընդհակառակը, տեսողական առումով հարթում են դեմքը՝ ուշադրությունը շեղելով փոքրիկ թերություններից:
2. Պիքսի
Զվարճալի, կծմծած կտրվածքը շատ է երիտասարդացնում, հատկապես եթե մազերը խիտ են, իսկ գլխի ձեւը մոտ է իդեալականին: Թեթեւակի գզգզված տեսքն ամբողջ կերպարին թեթեւություն եւ շքեղություն է հաղորդում, իսկ շրջապատը նման սանրվածքի տիրոջն ինքնաբերաբար երիտասարդ է համարում:
3. Հետ սանրվածք
Եթե երկար, գեղեցիկ պարանոց ունես, մի թաքցրու գանգուրների տակ: Մազերը դեմքից դեպի հետ տանելով` դեմքն ավելի թարմ կդարձնես, իսկ նրա օվալը` ավելի հստակ:
4. Ցածր մազափունջ եւ խոպոպներ
Դեմքին դիմախաղից կնճիռնե՞ր են առաջացել: Մազափունջը հաջողությամբ կթաքցնի դրանք, իսկ թույլ, ազատ խոպոպները ռոմանտիկ, եւ որպես հետեւանք` թարմ եւ անմիջական կերպար կստեղծեն:
5. Թեթեւ կարե
Մինչեւ կզակը հասնող, թեթեւակիորեն գզգզված մազեր, որոնք շրջանակում են օվալը. հրաշալի միջոց է թմբլիկ դեմքն ավելի նրբագեղ դարձնելու, ուշադրությունն ուղղելու այտոսկրերի վրա, իսկ «չորացրու եւ գնա» ոճում հարդարումը ձեզ կազատի տարիքային ամենավառ նշանից` կերպարի չափազանց պահպանողականությունից եւ ձանձրալիությունից:
Աղբյուրը` Cosmo