Վերջերս Լոնդոնում ավարտվել է Նորաձեւության շաբաթը, որի շրջանակում զանազան ապրանքանիշներ ներկայացրել են իրենց ոսկերչական զարդերը:
Royal Fashion Day show-ի ժամանակ իր արտադրանքը ներկայացրած ապրանքանիշներից մեկը Marianna Harutunian հանրահայտ ոսկերչական ապրանքանիշն էր:
Ապրանքանիշի արտադրանքը ներկայացրել է 25-ամյա մորուքավոր բրիտանական մոդել Հարնաամ Քաուրը: Հարնաամը անցել է պոդիումով մանուշակագույն մինի զգեստով, ցանցավոր զուգագուլպաներով ու բոտիլյոններով: Նա ներկայացրել է մի քանի տասնյակ շղթաներից պատրաստված մանյակ ու ապարանջան:
Հարնաամը հազվագյուտ գենետիկ հիվանդություն ունի՝ ձվարանների պոլիկիստոզի ախտանիշ: Սկզբում աղջիկը պայքարում էր դեմքին ու կրքծին աճող մազերի դեմ, իսկ հետո համակերպվել է: Աստղը իր թերությունը վեր է ածել արժանիքի ու սկսել է ներկայանալ որպես ոչ ստանդարտ արտաքինով մոդել:
«Ես այնքան երջանիկ եմ, որ ներկայացրել եմ Marianna Harutunian ապրանքանիշը: Ես առաջին մորուքավոր կին մոդելն եմ, որը քայլել է նման անվանի ապրանքանիշի պոդիումով»,- հայտնել է աղջիկը:
Աղջիկը խոստովանել է, որ միշտ երազել է «լավ մոդել» լինել, բայց մեծացել է «գեր, տգեղ ու զզվելի»: Շոուից հետո նա գրել է, որ հիմա արդեն կքայլի գլուխը վեր բարձրացրած:
Աղբյուրը՝ The Independent