Քիմ Քարդաշյանի պատասխանն իր մերկ լուսանկարի վերաբերյալ քննադատություններին
10:16 9 մարտի, 2016Ահա արդեն երկու օր է, Քիմի մերկ լուսանկարները մեծ աղմուկ են առաջացրել ու բուռն քննարկվում են բոլոր պարբերականներում: Ամեն ինչ սկսվել էր այն լուսանկարից, որը Քիմը հրապարակել է երկու օր առաջ:
Մի քանի հանրահայտ մարդիկ միանգամից քննադատել են լուսանկարը, իսկ Քիմն էլ անմիջապես պատասխան է տվել նրանց:
«Քիմ Քարդաշյանն այսօր մերկ սելֆի է հրապարակել: Եթե Քիմն ուզում է մեզ որևէ նոր բան ցույց տալ, նա ստիպված կլինի կուլ տալ տեսախցիկը»,- գրել է 70-ամյա Բեթ Միդլերը:
«Հեյ, Բեթ Միդլեր, գիտեմ, որ հիմա այն ժամն է, որ դու հաստատ քնած կլինես, բայց եթե արթուն ես՝ ապա քո մերկ լուսանկարը հրապարակիր»,- պատասխանել է Քիմը, կցելով «Կատակ» հեշթեգը:
«Ես չեմ ուզում, որ դուք հետո ինձ նվերներ ուղարկեք՝ ձևացնելով իբրև մենք ընկերներ ենք»,- հավելել էր Քիմը Բեթի քննադատությանը:
Ամենազվարճալի մեկնաբանություններից մեկի հեղինակը լրագրող Փիրս Մորգանն էր.
«Ես գիտեմ, որ ամուսինը 50 մլն դոլար պարտք ունի, բայց դա անհեթեթ է: Գուցե գոնե ես քեզ համար հագուստ գնեմ»
Քիմն էլ ի պատասխան գրել էր.
«Էյ Փիրս Մորգան, երբեք մի առաջարկիր հագուստ գնել ամուսնացած կնոջ համար: Դա «Էշլի Մեդիսոն» ծանոթությունների կայքի ոճով է»։
Քիմի լուսանկարին արձագանքել է նաև դերասանուհի Քլոե Գրեյս Մորեթցը:
«Քիմ Քարդաշյան, ես անկեղծորեն հույս ունեմ, որ դու հասկանում ես, թե երիտասարդ կնոջ համար ինչ կարևոր է գիտակցել, որ նպատակներին կարելի է հասնել նաև առանց մարմինն ի ցույց դնելու: Հսկայական տարբերություն կա, երբ դու որպես հանրահայտ մարդ քեզ հարգելու առիթ ես տալիս ու երբ դու քեզ ամաչացնելու առիթ ես տալիս »,- գրել էր դերասանուհին իր միկրոբլոգում:
«Ողջունե՛նք Քլոե Գրեյս Մորեթցին, որին ոչ ոք չգիտեր մինչև այս պահը: Ի դեպ Nylon ամսագրում քո լուսանկարով շապիկը բավականին գեղեցիկ է ստացվել»,- պատասխանել է Քարդաշյանը՝ հավելելով իր հերթական մերկ սելֆին:
